مباراة الهلال والشباب في دوري روشن السعودي

 

بقلم طارق اللبيب 

الحلقة 6

سحر الحقوق 

سحر العوارض 

سحر الفشل 

تكلمنا في الحلقة الماضية عن سحر التفريق .

واليوم نتكلم عن سحر الحقوق . وسحر الفشل والعوارض ..

اولا سحر الحقوق . كثير منكم قد لايكون سمع بسحر الحقوق .. ولكنه سحر مشهور حتى قليل من المشايخ من يعرفه ..

لانه تخلط فيه الامور اختلاط معقد جدا .. فهيا نتعرف عليه ..

سحر الحقوق هو سحر يفعل لمن يطالب بحقه .. لكي ينصرف وينسى .. او يفقد الذاكرة او يمرض او يموت 

ويصير حقه في خبر كان .. 

وكثيرا يتعرض له كبار السن من الرجال .. فيصابون باعراض تشبه الزهايمر والخرف المبكر .. حتى الطبيب قد يشخص الحالة من اول وهله بانها خرف مبكر .. وقد لا يلجأون الى الصور وهذا خطأ .. فالزهايمر الحقيقي هو عملية اضراب عصبي يصيب الذاكرة  وسببه ضمور في المخ بعامل السن .. 

وهذا الضمور يظهر جليا في صور الاشعة المختلفة .. فاذا كان المريض يعاني من فقدان الذاكرة. وهو كبير في السن. فيتوجب على ذوية ان يجروا له كل الأجراءات المهمة. مثل صور الاشعة والمقطعة وغيرها .. حتى يتأكدوا من حصول ذلك فعلا .. 

كتير من حالات الناس البكون عندهم اراضي ورثة  زراعية على وجه الخصوص في الأرياف .. ويكونو جو الى العاصمة من زمان .. وخلو حقوقهم مع اخوانهم او ابناء عمومة .. فالواحد منهم . يومو اليحتاج ويمشي يطالب بحقو .. الجماعة هناك يمشوا للساحر يقول ليهو (حقك بره)  طفش لينا الزول ده ..

والساحر يسلط شياطينو وجنو على على المسكين صاحب الحق .. ويجي الزول يفقد الذاكرة تدريجيا أو ..يمرض ويبقى من دكتور لدكتور لغاية مايموت وحقو يروح شمار في مرقة .. 

والمجرمين يكونوا .. كسبوا اربعة اشياء  .. اللعنة ..والكفر .. وحق الحرام ..وجريمة القتل .. واما صاحب الحق فشهيد قتل دون ماله .. وربنا لايظلم احدا .. وعند الله تجتمع الخصوم .. 

فالناس المفروض تنتبه للحكاية دي ..

ود مثال واحد على حالات كثيرة تحصل .. خصوصا في الوراثات .. والديون .. والشركاء .. 

سحر الحقوق اعراضه النسيان والسرحان وعدم التركيز .. والصداع .. والتوتر .. واول ماينسى  ينسى   حقه .. ويستبعد كثيرا ان يطالب بحقه .. ولايهتم بذلك .. ويشعر كان الحق ليس له .. ولا يتشجع على المحاكم والمطالبة وغيرها .. وقد يصل سحر الحقوق الى المحاكم.. فيوثر حتى على سير القضية قي المحكمة وقد يؤثر علي صحة القاضي .. 

عشان كدا الملاحظ في هذا البلد المنكوب .. الامراض الغريبة التي تصيب القضاة والمحامين .. 

ماتستغربوا من كلامي ده والله ده الحاصل.. وياهو الشي  البمر على مر السنوات ..   

المهم وصيتي للانسان الذي له حق يريد ان يطالب به .. قبل ان يبدأ اي خطوة.. عليه بالمداومة على الصلاة.. والتحصين الصباحي والمسائي .. وخصوصا اية الكرسي والمعوذات .. والبقرة ولو جزء منها .. وهذه الاشياء لايفرط فيها ابدا .. اقل شي المعوذات والاخلاص تلات مرات في الصباح والمساء ,

اوصى النبي عليه الصلاة والسلام معاذ بن جبل .. فقال له يامعاذ قل .. قال ماذا اقول يارسول الله قال يامعاذ قل قال ماذا اقول يارسول الله .. قال معاذ قل هو الله احد وقل اعوذ برب الفلق .. وقل اعوذ برب الناس .. ثلاثا حين تمسي وثلاثا حين تصبح لايصيبك بعدهن شي .. او لا يضرك بعدهن شي او كما قال عليه الصلة والسلام .. فيتحصن ويواظب على التحصين .. وان يكثر من قوله حسبنا الله ونعم الوكيل .. وذلك لقول الله تعالى (الذين قال لهم الناس ان الناس قد جمعوا لكم فاخشوهم فزادهم ايمانا وقالوا حسبنا الله ونعم الوكيل .. فانقلبوا بنعمة من الله وفضل لم يمسسهم سوء .. واتبعوا رضوان الله والله ذو فضل عظيم .. 

فالحمد لله ربنا ما خلانا ساي ادانا كل اسباب الحماية من الاشرار والملاعين ..

واذا حدثت الاصابة لاقدر الله .. فيجب الاسراع بالرقية الشرعية .. وتشغيلها بالبيت صباحا ومساء ..ويمكن لذوي المريض ان يشغلو له الرقية بانفسهم ..  لان هذه الحالات نادرا مايحث فيها تثيرا بالغ.. او استحضار او صراخ او غيره .. فحتى الشيخ المعالج .. مايتعب نفسو بالتخاطب وهذه الاشياء التي لافائدة منها .. وتأتي بالشر دائما والله ..فقط المداومة على الرقية .. مع تكرار القراءة ترى التحسن على المريض يوما بعد يوم .باذن الله  .. 

الرابع : 

سحر العوارض والفشل .. 

وهو سحر يسبب الفشل والتعطيل في  المصالح الدنيوية الاجتماعية منها والاقتصادية .. 

اسبابه الحقد والانانية .. والحسد والعياذ بالله ..

مثلا يكون زول بكره ليهو زول وحاقد عليهو .. يقوم يعمل ليهو سحر فشل له او لاولاده.. لا ينجحو  ولا يدرسو  ولا يشتغلو  ولايتزوجو ..

تلقى الولد يقرا لمن عيونو يطششن .. ويوم الامتحانات يمرض لمن يرقد مستشفى .. او يحصل ليهو حادث .. او يغمى عليهو .. او مايقدر يذاكر من اساسه .. او يشعر بالنعاس والكسل في الدراسة وانشط مايكون وقت اللعب .. 

مع ملاحظة انو بكون رغبته قوية ..

اما اذا كان الولد ماعنده رغبة فده موضوع تاني خالص .. 

وصورة تانية من صور سحر الفشل ..

زول يكون حاقد عليك .. يعمل ليك سحر فشل في العمل.. تفتش للعمل .. كانه في زول باريك ببوظ ليك الامور ..  تلف لمن راسك يسخن ماتلقى شغل .. واي شغل تمسكه ماتستمر فيهو لسبب ما ولاخر .. بدون اي اسباب منطقية 

المعلومة الاخيرة دي مهمة .. (بدون اسباب منطقية )

صورة تانية تلقى البيت فيهو خمس بنات زي الملائكة .. واحدة فيهم متزوجة مافي .. والبتتزوج مشاكل مع زوجها لمن تتطلق .. يعني ياجماعة في حاجات ظاهرة بفعل فاعل ..  وفي النهاية لايحدث الا بامر الله .. وماهم بضارين به من احدالا باذن الله .. ولكن الاسباب هي ايضا من قدر الله.. او يكون انسان حاقد على انسان  انطلاقا من الغيرة والحسد .. خصوصا في الغيرة بين البنات .. البت تمشي تقول للساحر.. انا ماعايزة فلانة دي تتزوج نهائي .. الناس يقولو فيني شنو لو هي عرست؟. وانا قاعدة بلاعرس ,, 

واحيانا الحاقدة عليك  تعمل ليك سحر لمنع الزواج .. وهي تكون متزوجه  بس حقد والعياذ بالله ..

وفي حالات سحر العوارض والفشل مثلا .. خطيب يسيب خطيبتو بسبب ما او بأخر .. تقوم هي العبيطة تمشي تعمل ليهو سحر .. تقول للساحر مايتزوج نهائي غيري .. يمشي المسكين ده قدر مايتقدم لواحدة.. يا اما ترفض او اهلها يرفضو .او اهلو هو يرفضوها  .. واحتمال هو براهو يكرها بدون سبب. ويخليها ويمشي لغيرها..  ويتكرر نفس الموضوع ..مع كمية بنات ..

وممكن يحصل العكس .. واحد يتقدم ليهو لواحدة .. وترفضو .. ودي كتيرة شديد .. يقوم هو الاهبل يمشي للساحر يعمل ليها سحر فشل في الزواج.. وتبدا معاها العوارض .. ماتتوفق في زواج .. يا اما العريس يخليها بلا سبب ..او اهلو بيرفضوها او او المهم الموضوع مابتم.. الا بأذن الله .. وربنا قادر على كل شي والله غالب على امرة ولكن اكثر الناس لايعلمون .. عشان كدا المفروض الناس تكون متحصنة باذكار الصباح والمساء .. والتلفونات المتوفرة زي  الهم في القلب دي.. اقل  يكون فيها تلات ملفات صوتية اسمها الرقية .. للسحر للعين للمس والعوارض 

عشان لو شكيت في اي حاجة .. تشغل الملفات التلاتة واتاكد من نفسك .. سليم الحمد لله .. شعرت بشي ماطبيعي تتعالج .. يعني فحص مامحتاج تمشي المستشفى .. من تلفونك بس ركب السماعة وعمض عيونك واستمع .. واستمر ف الاستماع حتى تتلاشى الاعراض .. 

الا لو تعبت شديد وكانت الاصابة بالغة .. ممكن بعداك تراجع الشيخ المختص الثقة .. والله اعلم .

تفاصيل اوفى في قناة طارق اللبيب في يوتيوب 

اخر فيديو 

الى اللقاء .