مباراة الهلال والشباب في دوري روشن السعودي

 

بقلم طارق اللبيب

الحلقة 3 

تكلمنا في الحلقة الماضية عن طرق تحضير الجن عند الساحر المشعوذ ومابها من الكفر والعياذ بالله ..

وركزنا على طريقة جرد الاسم السرياني في الخلوة بالرياضة المعينة .. 

وحديثنا اليوم عن صور حضور الجن ..

واخص بالذكر هنا حضور الجن السفلي او الشيطان الكافر .. 

من شروط نجاح التحضير ..ان الساحر لا يخاف من حضور الشيطان ولا يرتبك .. ولايتحرك من مكانه.. مهما حصل .. 

فانه ان خاف او ارتبك او تحرك او توقف عن العدد ستحصل عليه واحدة من اتنين ..

ح نتكلم بالدارجية السودانية خير؟ 

الحاجة الاولى الممكن تحصل ليهو  يتبلس بيه  الشيطان ويبقى مجنون .. 

زي كتير من البتشوفوهم بلقطو الدلاقين فوق الكوش .. ومكان الاوساخ .. تسأل تقول ده مالو ؟

يقولو ليك كان ماسك ليهو عدد .. مرت عليكم الحاجة دي؟ بس يهودا العدد الكان ماسكو المسكين ده .. 

والحاجة التانيه الممكن تحصل ليهو لو خاف او اتحرك من مكانه  انو الشيطان يطلع ضعيف.. ومايضره  بس يمشي ويسيبو .. ويبقى مجهودو راح شمار في مرقة ..

والموضوع فعلا مخيف.. عشان كدا في الوقت ده.. ماكلهم بثبتو للحضور .. كتير منهم بلصق ويفط سطر .. 

صور الحضور .

1 في قمة الخدمة.. وجرد العدد.. والبخور مولع والدخان عاكل  والساحر شغال يكرر في الاسم لمن ريقو ينشف ويبقى زي  دقيق  ..

فجأة يعاين قدامو يلقى الحيطة بتاعة الخلوة اتشقت .. وبقت تطلع منها كمية من العقارب .. والعقارب جاية ماشة عليهو .. زي السيل .. لو خاف وقام وقطع العدد .. موضوعو باااااظ ..وممكن جدا يفقد عقله

.مرات يكون شغال بجر في العدد فجأة كدا يلقى نفسو في نص ظلط ..

وفي شاحنة جاية ماشة عليهو بأخر سرعة .. 

.

او يشوف انو قاعد في نص القضيبين بتاعة السكة حدد .. وفي قطر جاي ماشي عليهو  بي كلو ...ويسمع طاااااااااط  بوري القطر المخيف داك ..

 كتيرين بقومو جارين.. والجرية الياها ..تاني الايقبضوهو في مدني هه 

 او مرات يشوف ليهو اسد قدر الضربة جاي ماشي عليهو .. 

او تمساح او افعى .. والصور كتيرة ومختلفة ..

وللعلم .. 

الحاجات البتظهر المخيفة دي.. ما ياها الشيطان المقصود بالحضور .. دي اسمها اختبارات للساحر. بثبت وللا خواف .. 

الخادم لسع ماوصل كويس؟؟؟ 

اهااا لو كان الراجل الساحر الملعون ده طلع فارس وزول شجاع وثبت للاختبار ده ولا خاف لا ارتبك ولا اتحرك من مكانه ولاوقف العدد .. 

الحاجات دي بتتلاشى سريع ..ويبدأ الخادم في الظهور من العدم شيئا فشيئا..  امام عينو .. في صور مختلفه على حسب الجن المطلوب.

.

واول ما يحضر الخادم بطلع اصوات عالية ومزعجة بتشبه صوت الفيل .. والساحر بتألم من الصوت ده شديد ..

لدرجة انو  ممكن اضنيهو تنزف..

 والصوت الهدف منه فتح القناة  الروحية من خلال الأذن لسماع  صوت الخادم .. 

يلا حبة حبة بحاول الشيطان او الخادم يغير صوته لعدة طبقات .. لغاية مايصل طبقة ماينزعج منها الساحر ..وتكون مريحة لاضانه .. 

يبدأ يتلكم معاهو بلغته .. لو الساحر خواجة الخدام بتكلم انجليزي .

ولو هندي بتكلم هندي .. ولو عربي عربي .. حتى لو  رطاني الخادم بتكلم معاهو بالرطانة حقتو .. 

بقول ليهو انا جيتك وجاهز لخدمتك وكدا يعني بالمعنى ده  .. هنا المفروض الساحر يوقف العدد عشان يعمل قسم اسمو قسم التثبيت .. عشان يثبت الخادم ماينصرف ..

وهنا يبدا الخادم في رسم اتفاقية الخدمة والعقد المشترك بينهم .. اعمل كدا وماتعمل كدا .. ولازم تعمل كدا وكدا .. المهم بيأمره باوامر غريبة وعجيبة .. 

وكلها تصب في المعاصي والكفر والعياذ بالله ..

منها مثلا .. يقول ليهو تصلي صلاتك عادي جدا ماعندي معاك شغلة بس  صلاة العصر تصليها بدون وضوء ..

وطبعا كدا  الزول الاهبل ده كفر.. عارفين ليه لانه صلاة العصر  بغير وضوء باطله .. وقال رسول الله صلى الله عليه وسلم من ترك صلاة العصر فقد حبط عمله .. 

بس كدا انتهى منه وخلص عليه.

او يقول ليهو كل يوم جمعة تضبح لي ديك احمر وماتذكر عليه اسم الله.. بس تذكر الاسم السرياني الفلاني وماتقبل الضبيحة على القبلة تقبل بيها عكس اتجاة القبلة .. وبكذا برضو الساحر كفر لان الذبح  نسك والنسك عبادة ومن ذبح على غير اسم الله فقد عبد غير الله ..

او يقول ليهو لازم افعل معك الفاحشة مرتين في اليوم او مرة  المهم ممكن يطلب منه الحاجة دي عادي ..  

او يأمرة بتنجيس القران او كتابة اسم الرسول صلى الله عليه وسلم في ورقة والبول عليها .. 

طبعا في سحرة ممكن يرفضو الحاجات دي ومايقبلو بيها .. والخادم مايقدر يجبرهم .. بس بفقدو الخدمة .. عشان كدا الخدام بعرف الزول الممكن يقبل من المايقبل ..

فلو شاف الساحر زول صلاي وزول متدين بقول ليهو بس تضبح لي .. او ماتصلي صلاة كدا .. في جماعة..

 وحبة حبة لمن يخلي الصلاة كلو كلو  ..

لازم يكون فيكم زول سمع بي شيخ فلان مابصلي مع الجماعة .. ولمن يسألو منه يقولو الزول ده مابصلي مالو ؟ بقولو ليك والله الشيخ ده بصلي في مكة الاوقات كلها .. هههه ياخي مكة ؟ انتو جادين ؟؟ 

ده لابصلي ولاحاجة مكة شنو كمان ؟؟ 

وبكدا الخادم بكون بلغ هدفه وممكن يعمل ليك الانت عايزو .. بس في الضرر والفساد .. 

 طبعا ده اصلا هدف الشيطان الاضلال .. فلو كفرت بالله ممكن يساعدك في العايزو بسهوله .. 

شفتو الايمان ده غالي ومهم كيف .. نحن في نعمة من الله .. ان جعلنا مؤمنين به .محبين له ولرسوله اللهم لاتحرمنا ايماننا .. 

والكلام ده انا لازم اذكره كله عشان الناس تعرف الحقايق .. وتربط الامور ببعض .. 

يعني ماتنخدع تلقى ليك ساحر بصلي تقول ده شيخ صالح .. ممكن جدا يكون بصلي وهو نجس .. ممكن يكون بصلي وبصوم لكن الشيطان بنكحه الصباح والمساء ..

 والله جد .. 

المهم تلاحظ علامات السحر المعروفة عليهو.. اي ساحر بدعي علم الغيب وبفتح الكتاب وبكتب ليك حاجة تدفنها في مكان . او يديك مسامير تغزغزهم في البيت او يديك حصحاص تدفنو في ركن .. او رملة تكشحها قدام بيت ناس .. من الحاجات البنذكرها في الحلقات الجاية .. ده بكون ساحر مشعوذ كافر وان صلى وان صام .. 

حمانا والله واياكم من شر ابليس وجنوده .. 

الى اللقاء

..